Un cors par imparâ la lenghe furlane a distance

Al scomence lunis ai 15 di Zenâr, a lis 6 sore sere, la gnove propueste par imparâ la lenghe furlane a distance! La Societât Filologjiche Furlane, cu la poie de ARLeF – Agjenzie Regjonâl pe Lenghe Furlane, e invie un gnûf Cors pratic di lenghe furlane in linie nivel principiants assolûts dedicât a la formazion linguistiche dai adults. Il Cors pratic di Lenghe furlane in linie al è gratuit e si davuelç in 10 setemanis di ativitât in modalitât asincrone, su plateforme Moodle, li che a son proponûts: file audio dal test argoment de lezion, spiegazion des regulis di gramatiche, esercitazions di comprension dal test e de gramatiche, piçul test finâl par podê passâ ae ativitât sucessive, incuintris sincronis setemanâi cui tutôrs, su plateforme Zoom, di une ore ognidun. Lis lezions a saran in lenghe taliane e lis spiegazions a saran dadis in version bilengâl. Iscrizions dentri di lunis ai 15 di Zenâr dal 2024 sul sît www.filologicafriulana, o fin al esauriment dai puescj a disposizion. (A.I.) – 15.01.2024