Un dopomisdì di poesie ae mostre su Basaglia

Viertidure straordenarie e un incuintri di musiche e poesie pe esposizion di art contemporanie ispirade a Franco Basaglia “I luoghi dell’incertezza e le emozioni della libertà” (I lûcs de inciertece e lis emozions de libertât), volude de Aministrazion comunâl in ocasion di GO!2025 – Gnove Gurize e Gurize Capitâl Europeane de Culture e inmaneade de associazion culturâl Prologo, fint ai 2 di Març. Joibe ai 27 aes 6 di dopomisdì inte Sale mostris dal Auditorium de Culture Furlane a Gurize, ultin apontament de rassegne “Di là dal Parc”: un incuintri cu la poesie transfrontaliere e la musiche. E sarà la ocasion par scoltâ lis poesiis, tantis di chês ineditis, di Maurizio Benedetti, Roberto Ferrari, Tanja P. Hohler, Urška Lešnik e Roberto Marino Masini, acompagnâts des musichis di Sandro Carta. (A.I.) – 26.02.2025