Un libri di Maniacco al devente teatri

Secont incuintri domenie ai 2 aes 4.30 dopomisdì par “In file”, inte stale di Vilecjaze, cun “Mestri di mont”, dal libri di Tito Maniacco, di e cu la critiche leterarie Martina Delpiccolo e l’atôr Fabiano Fantini, ideadôrs dal formât “live book”, il libri dal vîf, che al met in sene tescj leteraris, traviers une leture teatrâl che e fevele al dì di vuê, in clâf atuâl e critiche. Il romanç dal inteletuâl udinês, scritôr, poete, critic, mestri e artist, al rivîf intune traduzion inedite in lenghe furlane, curade di Delpiccolo e Fantini. Publicât la prime volte intal 2007 e riproponût di Forum intal 2020, il libri al va indaûr intal timp, ae prime incarghe di insegnant di Maniacco a Muiesse, un paisut pierdût cence stradis e cence eletricitât, dulà che il timp al jere silabât ancjemò des stagjons. (A.I.) – 01.02.2025