Un libri par memoreâ David Sassoli

Di joibe ai 16, aes 6 dal dopomisdì intal auditorium de Cjase dal student di Pordenon, al scomence ‘Leggiamo oggi’, il gnûf cicli di incuintris leât a temis e personaçs ‘fuarts’ dal nestri timp, contâts in libris publicâts di resint. Tant che David Sassoli, il President dal Parlament european, muart intal Zenâr 2022. A lui al è dedicât il prin incuintri de rassegne, promovude de Fondazion Pordenonelegge.it. E sarà la ocasion par presentâ “David Sassoli. La saggezza e l’audacia. Discorsi per l’Italia e per l’Europa”, il libri par cure di Claudio Sardo, jessût par Feltrinelli a un an esat de muart di Sassoli, cu la prefazion dal President Sergio Mattarella. Ospit dal curadôr e di Gian Mario Villalta al sarà Pierluigi Castagnetti, za europarlamentâr, a lunc impegnât in politiche a flanc di Sassoli. (A.I.) – 15.03.2023