Un omaç di “Dedica” a Claudia Grimaz

Si intitule “Bastiancontrarie”, storiis di feminis libaris e disubidientis, e al è ancje un omaç a Claudia Grimaz, la cjantante e atore furlane muarte masse adore intal 2021. Al è un recital a dôs vôs cun Angelo Floramo e Nicoletta Oscuro, e lis musichis dal vîf di Matteo Sgobino, in sene martars ai 2 a Fontanefrede intal zardin de biblioteche comunâl, cun jentrade sore nuie. Realizât inte suaze di “Anteprima Dedica a Gioconda Belli” intal 2019 e dentri intes propuestis estivis de rassegne “La vite e je la art dal incuintri”, che la associazion Thesis di Pordenon e je daûr a puartâ ator pe regjon par celebrâ i 30 agns dal festival, “Bastiancontrarie” e je une galarie di figuris femininis resistentis che inte storie, intal mît e inte leterature a àn diliberât la lôr “feminilitât”, riclamant ideis, siums, utopiis. (A.I.) – 01.07.2024