Un premi ai students intal non di Solari

Un premi par talents creatîfs zovins dai istitûts superiôrs des provinciis di Udin e di Pordenon, students che a àn metût il lôr inzen intal non de famee di fabricants di orlois che e à fat grant il non dal Friûl intal mont: i Solari. Sabide ai 15 des 10 di buinore intal Auditorium comunâl di Prât al è previodût l’avigniment di premiazion de prime edizion dal “Premi creativitât par zovins” tal non di Remigio Solari. I students iscrits a jerin 47, i  finaliscj dai istitûts superiôrs “Malignani”, “Solari” e “Torricelli” di Udin e di Pordenon a son 22, che a àn realizât, cun lavôrs di scuadre, une elaborazion di manufats creatîfs, daûr dai fins dal bant che al domandave di progjetâ e fâ un orloi basât sul sisteme a leture direte di Remigio Solari. (A.I.) – 14.06.2024