Un romanç che al fevele di corot e memorie

Inte suaze di “Dedica Incontra”, vinars ai 28 a Pordenon, intal convent di S. Francesc, e je in program la presentazion dal gnûf romanç de scritore pordenonese Lorenza Stroppa, “La cassetta delle lettere per i cari estinti” (La cassele des letaris pes buinis animis), jessût par Mondadori. L’avigniment al ufrirà la oportunitât di aprofondî cheste storie intense e che e tocje, frontant cun delicatece e cu la poesie, il teme dal corot e de memorie. In dialic cu la autore e sarà ancje la scritore Antonella Sbuelz. Il romanç al è stât definît dal professôr scritôr Enrico Galiano “une cjarece par cui che al reste chi e un puint viers cui che nol è plui”. (A.I.) – 27.03.2025