Un scritôr di frontiere in Badie

Inte Badie di Rosacis vinars ai 22 aes 6 dopomisdì al è in program il penultin apontament de rassegne “I colocuis de Badie”, rassegne curade e condote di Elda Felluga e Margherita Reguitti. Ospit al è il scritôr di frontiere Maurizi Bait cul so ultin libri “Alpi d’oriente. Storie di uomini, donne, animali e foreste” (Alps di orient. Storiis di oms, feminis, animâi e boscs), jessût pe Ediciclo. Nassût intal 1959 a Triest, scritôr di frontiere di dissendence austriache, taliane e slovene, Bait al è gjornalist, al è a stâ a Valbrune e al è l’autôr di tancj saçs e libris che a son une colezion di storiis e fotografiis di oms, feminis, boscs e monts che al à vivût in prime persone. (A.I.) – 20.11.2024