200
Un straordenari “San Girolamo penitente” di Tiziano Vecellio al è l’ospit ecezionâl de colezion de famee De Martiis, inmaneade a Palaç de Nordis a Cividât dai 6 di Avrîl ai 7 di Mai. Organizade dal Assessorât ae Culture, la esposizion de tele di Tiziano e rapresente une operazion culturâl di nivel ecezionâl cul supuart di BancaTer. La opare e rive di Trevîs, dulà che e fâs part de colezion Giuseppe Alessandra, in prestit par un mês. Intai spazis plui preziôs di Palaç de Nordis, si cjate dentri de salute dedicade ai impressioniscj, dongje di doi pastei di Toulouse Lautrec. La inaugurazion aes 6 dal dopomisdì di joibe, po dopo e sarà la viertidure sot sere des 8 aes 10. (A.I.) – 05.04.2023
