Une atore triestine premiade intal non di Adelaide Ristori

Anteprime dal Mittelfest, joibe ai 21 di Lui a Cividât, cul Premi “Adelaide Ristori”, creât intal 1998 di Soroptimist International di Italie, dedicât a une des feminis plui impuartantis dal teatri european dal 19° secul. Chest an il premi – che nol è destinât ae miôr interprete de edizion dal an passât di Mittelfest, ma al è un premi a la cariere – j va ae atore triestine Ariella Reggio. Grande interprete dal teatri talian, plui voltis protagoniste sul palc di Mittelfest, propit a 100 agns de nassite di Adelaide Ristori e ricevarà il premi a Cividât intune serade che e sarà ancje la ocasion par presentâ il progjet di archivi digjitâl di Mittelfest, ideât e curât di Roberto Canziani: “MittelBabel”, par riclamâ la Torate di Babilonie e lis tantis lenghis che a son passadis al Mittelfest in trente agns. (A.I.) – 20.07.2022