Une buteghe e devente museu pai 100 agns di Bressanutti

La storiche buteghe dal centri di Monfalcon “Tutto per il bambino” e fâs un omaç al artist Aldo Bressanutti, che al à di pôc celebrât i siei cent agns, cu la mostre “I cento volti dell’arte – 100 anni 100 quadri” (Lis cent musis de art  – 100 agns 100 cuadris). La mostre antologjiche, che si scree sabide ai 11 e che e larà indevant fint ai 31 di Lui, e trasforme i locâi e lis vetrinis de buteghe intun museu di art publiche, dulà che ogni spazi si jemple di vôs gnovis, di esperiencis, di cognossince e di emozions. Pitôr e incisôr di fantasie impuartante e bon di evocâ atmosferis penzis, Bressanutti al piture dal 1947 e al è a stâ tra Monfalcon e Triest. La sô art e je cognossude e preseade a nivel internazionâl e lis sôs oparis a son esponudis in dut il mont. (A.I.) – 10.05.2024