Une cunvigne su la Resistence a Udin daspò 80 agns

Ai 8 di Setembar dal 1943 al ven mandât fûr l’armistizi: la Italie si rint ai Aleâts inglês e americans. Il document al fo firmât in segret cinc dîs prime dai gjenerâi Giuseppe Castellano e Dwight Eisenhower. I talians a cognossaran ancjemò 20 mês di strussiis, bombardaments e combatiments sul teren nazionâl. In ocasion dal otantesim aniversari, vinars ai 8 la Anpi di Udin e la Universitât de Tierce etât a inmanein une conference dal titul “La Resistence e je nassude in Friûl”. Il teme al sarà tratât dai storics Luciano Patat e Federico Tenca Montini, intervistâts dal gjornalist Rossano Cattivello inte aule magne di vie Piemont 82 aes 5 dopomisdì. (A.I.) – 07.09.2023