Une invasion di creativitât tal Cjistiel di Colorêt di Montalban

La “cove” tant che un lûc di polse, un ripâr, une scuindarole dulà che si pues recuperâ lis fuarcis, lis energjiis, i stimui. Propit “cove” al è il fîl ros de decime prime edizion dal progjet “Bestiari imagjinât”, ideât e curât de Damatrà onlus, cjapant dentri un miâr di students. Une invasion creative di azions e avigniments sul teritori, cuntune rêt stimolante di residencis artistichis che a van di Vile Manin di Passarian ae Cjase des Culturis frutis, fint al Cjistiel di Colorêt di Montalban, che al ospite il grant finâl sabide ai 15 e domenie ai 16. Une ocasion par inviâ une riflession sui spazis architetonics abitâts des comunitâts, ma ancje il stimul a produsi i “prototips” des senografiis che a saran abitadis dopo, cjapant dentri comunitâts di zovinis e fameis, cu la sorevision de artiste Virginia Di Lazzaro. (A.I.) – 14.02.2025