Une mostre internazionâl par Leonardo

E vierç sabide ai 21 aes 6 dopomisdì a Vile De Claricini Dornpacher di Butinins di Muimans la mostre itinerante internazionâl “The Route of Leonardo da Vinci”, une racuelte cu lis oparis di passe 50 artiscj di Italie, France, Slovenie e Turchie. Aes 6 dopomisdì e je previodude la inaugurazion uficiâl. Cheste e je la prime di une schirie di tapis che la esposizion e fasarà in Italie e in altris Paîs forescj: dopo il Friûl, dulà che e podarà jessi visitade fint ai 5 di Zenâr dal 2024, la mostre si fermarà ancje a Vinci, Vipau (Slovenie), Amboise (France) e po dopo e larà in Turchie. (A.I.) – 19.10.2023