Une mostre pai 100 agns dal Cai di Pordenon

La Sezion di Pordenon dal CAI, Circul Alpin Talian, e celebre il centenari de sô fondazion tacant di une mostre fotografiche, “Montagne di memorie. Racconti in bianco e nero” (Monts di memoriis. Contis in blanc e neri), che si vierç joibe ai 6 intal Museu civic di storie naturâl “Silvia Zenari”, rinovât di pôc, un gnûf pôl culturâl di riferiment pe citât, dedicât ae divulgazion di tematichis leadis ae nature e ae sience. Fotografiis, materiâi di archivi e cimelis a contaran une storie plene di avigniments, esplorazions, escursions e travuarts di grancj alpiniscj, ma soredut une passion fuarte pe mont. Il percors al sarà inricjît ancje di une selezion di volums che a vegnin de biblioteche “Carlo Alberto Maddalena” de sezion dal CAI di Pordenon. (A.I.) – 05.03.2025