Une mostre pai 150 agns de ASU

Ai 10 di Zenâr al è tacât dut un an di avigniments che a sigjilaran il secul e mieç di storie di une des societâts sportivis plui vecjis no dome de regjon Friûl-Vignesie Julie, ma di dute la Italie: la Associazion sportive udinese – ASU.  La seconde tape di chestis celebrazions e je la mostre che e vignarà ospitade te Galarie “Tina Modotti” di Udin, in graciis de colaborazion cul Comun di Udin. La esposizion “ASU: 150 agns di sport in Friûl” si scree vinars ai 21 aes 6 dopomisdì, in presince dai assessôrs Federico Pirone e Chiara Dazzan, in plui chê dal president de ASU, Alessandro Nutta. In mostre, une conte par imagjins dai 150 agns di storie de ASU, intune cun cualchi cimeli. Par cui che ancjemò no le cognòs, al sarà cussì pussibil viodi cetant che la societât furlane e sedi cressude e cambiade intune cu la citât di Udin e cun dut il Friûl. Une storie fate di oms visionaris che a àn fat nassi une societât sportive a pro dai zovins udinês, e che vuê e je deventade une polisportive cun cuasi doi mil tesserâts. (A.I.) – 19.02.2025