Une mostre su lis primis furlanis che a àn votât

A Udin e je tornade la mostre “Che genere di voto?”, fin ai 30 di Zenâr ae ISIS “A. Malignani”, dulà che a son metûts fûr i panei cui risultâts de ricercje. La esposizion e tache de Vierte 1946, cuant che la Italie e jentre inte modernitât, cuntun pas impuartant: pe prime volte lis feminis a puedin votâ. Ae clamade eletorâl la rispueste des feminis e je gruesse: in dut il Paîs al vote l’89% di chês che a àn dirit, in Friûl l’88,5%. Ma cuâl isal stât il significât dal sufragji universâl feminin intal nestri teritori e cui son stadis lis furlanis jentradis pe prime volte inte cabine eletorâl? La mostre e conte chest passaç storic traviers la selezion di documents di epoche (A.I.) – 19.01.2023