Une rassegne cui temis che si sintin e si lein ogni dì

Çarvignan al ospite ancjemò une volte, dai 16 ai 20 di Otubar, il “Festival del coraggio”, che come simpri al frontarà i argoments di atualitât che o sintìn par television e che o leìn in rêt e sui gjornâi, ogni dì. E che chest an al è partît cuntune schirie di anteprimis ator pe provincie. Discomut, preson, lote ae violence di gjenar, democrazie, informazion, ambient, leterature e migrazions a son i temis impuartants di cumò, che a saran frontâts traviers incuintris, presentazions di libris, spetacui teatrâi, concierts, ospitâts tal teatri “Pasolini”, te Cjase de musiche e tal “Zardin dai dirits” li de biblioteche civiche “Giuseppe Zigaina”. Ducj i avigniments a saran a jentrade gratuite fint a esauriment dai puescj. (A.I.) – 15.10.2024