Une serade ‘di glace’ cul CAI di Tumieç

Lis seradis culturâls cul CAI di Tumieç a van indevant joibe ai 26 aes 8.30 sot sere inte sede di vie Vâl di Guart cul apontament “I ultins zigants di glace”. Protagonist al sarà il fotograf furlan David Bortuzzo, che al presentarà lis fotos e i videos straordenaris cjapâts intai lûcs plui lontans e sugjestîfs dal nestri planet. I spetatôrs a varan la oportunitât uniche di imerzisi inte bielece pure dai glaçârs di Svalbard, Groenlande e Islande traviers i voi esperts di un professionist de fotografie. La serade si sierarà cuntun intervent speciâl di Roberto Colucci, ricercjadôr di Siencis Polârs dal CNR, che al contarà il stât dai nestris glaçârs par vie dai cambiaments climatics. (A.I.) – 25.10.2023