Une storie di amôr pai “Fuoricittà” cui autôrs

Un romanç che al fevele al cûr, une novitât frescje e apassionante, jessude tai ultins dîs a firme dal scritôr zovin Riccardo Bertoldi: “Se mi amassi davvero” (publicade di Rizzoli) e je une leture che e cjarece la anime e e invide a cjatâ il cûr di jessi infin libars. Une storie dolce e mareose de riscuvierte di se, di une amicizie che e vuarìs. In prime regjonâl pal cartelon de Sierade di “Fuoricittà”, promovût de Fondazion Pordenonelegge.it cu la Aministrazion comunâl di Prate di Pordenon, l’autôr lu presentarà joibe ai 10 intal Teatri Pileo di Prate aes 9 sot sere, in dialic cu la gjornaliste e scritore Odette Copat. Il program di “Fuoricittà” al è par cure dal diretôr artistic di pordenonelegge Gian Mario Villalta e di Alberto Garlini e Valentina Gasparet. (A.I.) – 09.10.2024