Une Vierte di poesie intal non di Umberto Saba

A Triest al torne l’apontament anuâl cu la “Vierte di poesie” dal Premi “Umberto Saba”, che pe tierce edizion e à sielt la poetesse e scritore Vivian Lamarque, cu la sô racuelte di poesiis “L’amore da vecchia” jessude par Mondadori intal 2022. Vinars ai 24, intal Museu Sartorio, la consegne dal premi, in presince de jurie, formade di Claudio Grisancich, Franca Mancinelli, Antonio Riccardi, Gian Mario Villalta e Roberto Galaverni. La autore premiade e à publicât un libri che al à diviers ponts di contat cun Saba, ma al fronte il teme dal titul cun ironie e lizerece. (A.I.) – 23.03.2023