Une gnove impuartante tape pal percors di valorizazion de opare e de vite artistiche di Luigi Garzoni: lunis ai 22 e sarà, di fat, une zornade dedicade al “Cjantôr dal Friûl”. Il Museu che al à il so non al vierzarà lis puartis ospitant, aes 6 dopomisdì, une visite vuidade sore nuie intai spazis dal Centri Civic di Cjassà, za dedicât al compositôr par cure de Cooperative Varnîr: la prime esposizion permanente dedicade al inteletuâl poliedric. Aes 7.30 invezit, inte Vile Gallici Deciani di Montegnà, e sarà la musiche protagoniste dal conciert di Luisa Sello al flaut e Bruno Canino al piano, un apontament dentri dal cartelon de rassegne “Friuli Concertante”. (A.I.) – 21.07.2024
Une zornade dedicade al mestri Garzoni
46