Ungaretti e chel messaç di pâs dal 1966 a Gurize

L’Archivi di Stât di Gurize, in colaborazion cul Circul pe UNESCO di Gurize, al inmanee une viertidure straordenarie ecezionâl, che e varà dentri ancje une presentazion: “Giuseppe Ungaretti. Gorizia e il Carso”. Gianfranco Trombetta, ideadôr dal Parco Ungaretti, sabide ai 30 aes 10.30 di matine al Archivi di Stât di Gurize, al tignarà un incuintri dedicât ai temis cjârs al poete, tacant dai riclams fuarts ae pâs e ae fradilance umane che il poete al veve dreçât ae societât civîl de nestre regjon intal 1966. Un messaç che al à rivoluzionât il significât che fin ta chel moment a riclamavin i lûcs là che e jere stade la Vuere grande. (A.I.) – 28.11.2024