Ungaretti e il Cjars: ve la grande mostre

Si vierç in forme uficiâl sabide ai 26 la grande mostre curade di Marco Goldin e dedicade a Giuseppe Ungaretti, che fint ai 4 di Mai dal 2025 e sarà ospitade a Gurize e a Monfalcon. La esposizion, intitulade “Ungaretti poeta e soldato” (sottitul: “Il Cjars e la anime dal mont. Poesie piture storie”) si disvilupe tal Museu di Sante Clare e e je la conte complete de storie di Ungaretti sul Cjars. Al centri de esposizion, nonante cuadris che dodis pitôrs talians dal dì di vuê a àn fat sul Cjars di pueste pe mostre, acompagnade di videos cun intervents critics, storics e leturis. La mostre tal Museu di art contemporanie di Monfalcon e je invezit la art che si è disvilupade intai agns Dîs dal Nûfcent in Venit, Trent e in chel che vuê al è il Friûl-Vignesie Julie. (A.I.) – 25.10.2024