Ve cemût che al è nassût il robot che al somee a une plante

Cui prins doi incuintris dal percors di divulgazion sientifiche “Vôs dal mont vert: i arbui e lis forestis cemût che no son mai stadis contadis”, si vierç martars ai 8 a Mortean (aes 8.30 di buinore inte Vile dai Conts di Var) e aes 11 inte biblioteche di Manià la seconde edizion dal progjet “La memorie dal len”, ideât e promovût di Damatrà. Protagoniste di cheste aree dal progjet e sarà une des divulgadoris sientifichis talianis plui cognossudis, Chiara Segrè, sorevisore te Fondazion Umberto Veronesi. Adun cun Barbara Mazzolai, coniugant robotiche e mont vegjetâl, e à dât vite al prin ‘plantoid’ tal mont: un robot che, dopo vê disvilupât lis propriis lidrîs intal teren, al è in grât di analizâ la composizion, la presince di aghe, la umiditât e altris carateristichis. Dut chest al è stât contât intun saç che al sarà presentât intai doi incuintris. (A.I.) – 07.04.2025