Il Salon di onôr di Palme al da acet, joibe ai 23 di Mai, ae presentazion dai risultâts leâts al progjet storic etnografic “Fvg Terra di scambio” (F-Vj Tiere di scambi), fat de associazion Art&Musica di Monfalcon cul contribût de Regjon Friûl-Vignesie Julie e la colaborazion di museus, comuns, istitûts, universitâts, circui culturâi. Il coordenadôr dal progjet Gabriele Medeot al à diret un grant lavôr di ricercje, che al à permetût di racuei tescj inedits e documents fotografics, dant vite a trê diviers prodots: une publicazion dal titul “FVG terra di transito” (F-Vj tiere di passaç), il libri fotografic “I luoghi dello scambio” (I lûcs dal scambi”) e un podcast, sedi audio che video, cul stes titul dal progjet: “F-Vj Tiere di scambi”. (A.I.) – 21.05.2024
Foto di L. d’Agostino
