Ve la grande mostre dai Tre allegri ragazzi morti

Un viaç straordenari intal mont fantastic e visionari de band inmascarade par antonomasie: al è ce che al propon al visitadôr la mostre “Tre allegri ragazzi morti EXPO”, curade di Paola Bristot, tal Palaç dal Fumet di Pordenon dai 7 di Novembar ai 9 di Març dal 2025. E je la prime esposizion antologjiche dal grup pordenonês formât dal cjantant Davide Toffolo, dal bassist Enrico Molteni e dal baterist Luca Masseroni. Un regâl ae citât che ju à viodûts nassi e cressi in maniere professionâl e che mai ju à dismenteâts. Par celebrâ chest aniversari impuartant e je stade sielte une sede iconiche e autorevule tant che il Palaç dal Fumet, une realtât uniche dulà che i dissens, lis grafichis e i stes fumets a fasin di fîl condutôr par traspuartâ il visitadôr a scuvierzi la imagjin dai TARM. La mostre e va daûr des variis tapis de cariere di une formazion che in trente agns e à fat 20 album e 1.500 concierts, creât la etichete indipendente La Tempesta Dischi e cetant altri. (A.I.) – 06.11.2024