Viaç inte storie de poesie furlane a Cjasarse

A Cjasarse la poesie furlane e devente protagoniste. Joibe ai 19 di Dicembar aes 8.30 sot sere inte Sale consiliâr di Palaç Burovich de Zmajevich si tignarà un avigniment culturâl di rilêf: la presentazion dal libri “Il Friuli dei Poeti. In viaggio con la poesia in una terra di confini” (Il Friûl dai poetis. In viaç cu la poesie intune tiere di confins) di Gian Mario Villalta. La iniziative a jentrade gratuite, inmaneade de Pro Cjasarse, de Citât di Cjasarse, dal Centri Studis Pier Paolo Pasolini, e celebre la poesie tant che element di fonde dal Friûl, tacant di Pier Paolo Pasolini. Il libri, fat in cuatri agns di lavôr penç, si propon tant che un viaç traviers i confins fisics e culturâi dal Friûl-Vignesie Julie, esplorant la identitât e la tradizion poetiche de regjon e contant lis storiis di 69 poetis furlans. L’autôr, une des vôs plui autorevulis de leterature taliane contemporanie, al dialogarà cul editôr Giovanni Santarossa intun incuintri viert a ducj i passionâts di poesie. (A.I.) – 17.12.2024