La cooperative Altreforme, in colaborazion cul Museu Furlan di Storie Naturâl di Udin, e organize “Cafè cun Lithobit”, une ocasion uniche par scuvierzi cemût che la tecnologjie de realtât virtuâl e puedi inricjî la esperience museâl. Dilunc dal avigniment, sabide ai 7 aes 10.30 di buinore, al vignarà presentât il progjet “Lithobit – Realtà immersiva al Museo”, un videozûc didatic inovatîf che al dopre visôrs pe realtât mische par traspuartâ i visitadôrs indaûr intal timp, fint al Neolitic. Il progjet Lithobit e je une simulazion educative che e permet di imerzisi intune vile neolitiche e interagjî cun ogjets basâts sui reperts autentics dal museu, digjitalizâts cun tecnichis vanzadis. La presentazion e sarà compagnade di une dimostrazion pratiche, là che i partecipants a podaran meti i visôrs VR e provâ in anteprime cheste esperience inovative. (A.I.) – 05.12.2024
Viaç virtuâl intune vile neolitiche
39
