“Vicino/lontano” al analize i temis de mont e dal mont

Dai 10 di Lui ai 4 di Setembar al torne “Vicino/lontano mont” tra la mont de Cjargne, dal Cjanâl dal Fier fin dentri intes Vals dal Nadison, puartant cunvignis e moments di incuintri di Tumieç a Malborghet, di For Davôtri a Stregne, di Enemonç a Grimac. Plui di 30 i apontaments in program inte rassegne dedicade ai temis de mont e dal mont, La seconde edizion si vierç domenie ai 10 a Tualiis intal non di Pierluigi di Piazza, cul gnûf reportage in forme di spetacul di Fabrizio Gatti. La sierade si tignarà ai 4 di Setembar cuntun ‘talk show’ (anzit, ‘tolc sciò’) presentât di Claudio Moretti tra contis, musichis e intervents di esperts. (A.I.) – 06.07.2022