Vivi la mont cul Cai e il teatri Verdi

Nassût intal 2021 pe iniziative dal teatri Verdi cu la partecipazion dal Cai, Sezion di Pordenon, il “Progetto montagna 2023” al propon iniziativis culturâls di prose, musiche, leterature e aprofondiments sientifics, in graciis de colaborazion cul teatri di Pordenon, che a son in struc tal titul “Vivi la mont. Vivi in mont”. Plui di 11 i apontaments complessîfs, distribuîts tra l’Istât 2023 (dai 30 di Jugn ai 30 di Lui in sîs localitâts) e l’Invier. Dilunc dal Istât, lis ativitâts si concentraran tra Nert e Cjas, il cjistiel Ceconi a Pielunc, la Grote di Pradis, Polcenic e Barcis. A vierzi la rassegne, al Teatri di Pordenon vinars ai 30, la premiazion dal concors “Oltre le nuvole”, il prin in Italie pai tescj teatrâi inedits su la mont. Il vincidôr al è l’autôr, atôr e regjist milanês Christian Gallucci. (A.I.) – 28.06.2023