Al sarà un incuintri plen di lengaçs in anteprime regjonâl chel proponût de rassegne “I colloqui dell’Abbazia”, ven a stâi “il viaç de cjarte gjeografiche di Livio Felluga” vinars ai 18 aes 6 dopomisdì inte Badie di Rosacis in Comun di Manzan. Intal tinel leterari proponût di Elda Felluga e Margherita Reguitti, e vignarà presentade la “Guida anacronistica di Venezia per tutti coloro che accettano di perdersi” (Vuide anacronistiche di Vignesie par ducj chei che a acetin di pierdisi) di Pascal Bonafoux, cun 36 oparis dal pitôr e incisôr Safet Zec. E sarà ancje une ocasion par cjatâ il mestri, un dai plui impuartants artiscj de art contemporanie mondiâl, che vuê al è a stâ a Vignesie e a Sarajevo, ma al à mantignût cualchi rapuart di amicizie e di art cun Udin e la nestre Regjon. (A.I.) – 17.10.2024
Foto di L. Vitale
