A passin l’Ocean Atlantic lis celebrazions pal centenari de nassite di Pier Paolo Pasolini, che a disbarcjin in Argjentine, su iniziative dal Ent Friuli nel Mondo, par celebrâ une altre ricorence: il 95° aniversari dal prin dai Fogolârs atîfs fûr de Italie, la Sociedad Furlane di Buenos Aires, fondade intal 1927 e vuidade vuê di Eduardo Dino Baschera. Intal ambit des fiestis, il president dal Friuli nel Mondo Loris Basso al à partecipât ae proiezion dal documentari “La rosada e il ardilut. Intal Friûl dal zovin Pasolini”, ae sô cuinte jessude dopo Marbella, San Francisco, Londre e Rome.
Il 95° di Buenos Aires al tocje la cime dal tour di Friuli nel Mondo, partît ai 28 di Otubar dal Fogolâr di Esquel, in Patagonie. Tapis sucessivis dal viaç di Basso, acompagnât dal diretôr Christian Canciani, il Centri furlan di Sante Fe, i Fogolârs di Mâr dal Plata e La Plata, atîfs di 50 e 85 agns, e la Unione Friulana Castelmonte, fondade intal hinterland di Buenos Aires, dulà che al nas un santuari in onôr di chel che al domine lis Vals dal Nadison. Aes fiestis a àn cjapât part 250 coregjonâi, rivats de Argjentine e dal Uruguay. (ADG) – 11.11.2022
