Il gurizan Spanghero al torne a puartâ Pasolini in Canadà

L’artist gurizan Michele Spanghero al scree miercus ai 7 la instalazion sonore “Apri gli occhi! / Open your eyes!: Pasolini out loud” in Canadà – dulà che la presince dal inteletuâl di Cjasarse no à simpri vût un bon acet – a Montreal, inte sede prestigjose de Cinémathèque Québécoise. La vore di Spanghero, disvilupade tacant di un sglavin di materiâi di archivi di Cinemazero, in graciis de poie dal Istitût Talian di Culture di Montreal e par volontât dal so diretôr Sandri Cjapiei, e fâs onôr cussì ancje in Canadà a Pier Paolo Pasolini, intal an dal centenari de nassite. Intal lavôr, l’artist si confronte cu lis lungjis conversazions tra Gideon Bachmann e Pasolini: desenis di oris di filmâts conservâts di Cinemazero a Pordenon, che l’artist al à estrapolât dome une frase: “Vierç i voi!”. (A.I.) – 06.09.2022