La Fondazion Mits Malignani di Udin e la Carnia Industriâl Park a àn sotscrit un acuardi pal inviament di une grande colaborazion, cul prin obietîf di inviâ il gnûf cors post diplome ITS pe figure professionâl di Energy Specialist, che si tignarà intal Parco Tecnologico di Damâr.
L’acuardi al previôt la realizazion di percors di alte formazion post diplome ITS intal teritori indulà che al opere il Consorzi e ativitâts complementârs tant che: l’aprofondiment des dibisugnis des aziendis par individuâ lis figuris professionâls plui domandadis; la sensibilizazion dai zovins des scuelis superiôrs bande la culture tecniche e digjitâl e la cognossince des professions tecnichis; la realizazion di ativitâts di orientament informatîf e formatîf che a promovin la cognossince de ufierte formative dal Mits. (A.D.G.) – 14.07.2022
A Damâr un cors par specialiscj in energjie
163
