Lis impresis dal terziari dal Friûl-Vignesie Julie a dimostrin une capacitât di resistence plui alte a pet dal rest dal Paîs: a miorin la situazion ocupazionâl e ancje la fiducie intal andament de ativitât economiche. A fotografâ la situazion al è l’Osservatori curât par Confcommercio dal Friûl-Vignesie Julie di Format Research.
Ae fin dal secont trimestri 2023, la licuidazion tra impresis dal terziari gnovis nassudis (460) e impresis sieradis (472) in regjon al è lât jù al 3%, intant che chel nazionâl al è calât al 31% (dîs voltis superiôr). Un dât, al osserve il president regjonâl di Confcommercio Giovanni Da Pozzo cui coleghis presidents di Gurize Gianluca Madriz, di Pordenon Fabio Pillon e di Triest Antonio Paoletti, “che al conferme la situazion miôr sul teritori tignint cont di Pil e consums. E nol è dubi che il terziari, pûr patint la incressite dai coscj di produzion, al larà indevant a tirâ la economie regjonâl”.
La investigazion e mostre il miorament de fiducie des impresis dal teritori intal andament de ativitât economiche. L’indicadôr al passe di 50 a 51 ponts.
Al va in piês, al contrari, il livel dai rigjâfs. L’indicadôr al passe a 45 a pet dal precedent 53. Lis impresis dal terziari a continuin a patî par vie dal aument dai presits dai prodots, des materiis primis, dai traspuarts e de logjistiche.
In miorament e je invezit la situazion ocupazionâl des impresis dal cumierç, dal turisim e dai servizis in regjon. E reste stabile la capacitât des impresis dal terziari intal fâ front al propri bisugn finanziari.
A cressin lis percentuâls di impresis che a àn domandât credit intai ultins trê mês. (a.d.g.) – 07.09.23
