Intai prins nûf mês dal 2022 il valôr des venditis tal forest des impresis dal Friûl Vignesie Julie (in dut 16,2 miliarts di euros) al à mostrât un aument fuart a pet dal stes periodi dal an passât (+22,4%, plui o mancul 3 miliarts in plui).
Il risultât regjonâl al è superiôr a chel dal Nordest intal so complès (+17,7%); a nivel nazionâl la variazion e je stade dal +21,2% e dome il Molîs al à mostrât une contrazion nete des esportazions (-12,9%). Lu evidenzie intune investigazion su dâts Istat il ricercjadôr de Ires Fvj Alessandro Russo. Simpri intal stes periodi, al informe Russo, si regjistre un aument impuartant ancje dal valôr des importazions regjonâls (+32,5%); il salt positîf comerciâl al è cressût dut câs (di 6,4 miliarts di euros intai prins nûf mês dal 2021 a 7,1 miliarts chest an). (ADG) – 12.12.2022
