Cna Fvg e Usarci Fvg a àn siglât vuê, ai 20 di Març, inte sede regjonâl de Cna a Udin, un acuardi inedit che lis rapresentancis dai artesans e dai agjents di cumierç a lavoraran in sinergjie intun scambi di servizis e di consulencis. Ae firme a jerin presints il president de Cna regjonâl, Maurizio Meletti, cul diretôr Roberto Fabris, pal Usarci Domenico Papa, coordenadôr regjonâl Maurizio Meletti e president di Usarci Udine, e Mauro Bossi, president di Usarci Pordenone.
“La microimprese artesane e conte une medie di 2,5 adets – al à riferît Meletti -, tant che dimensions o sin duncje realtâts tacadis, e ancje complementârs: cun cheste sinergjie la associazion dai agjents di cumierç e met a disposizion lis sôs competencis comerciâls, intant che Cna e ufrìs un sisteme di servizis a base regjonâl di contabilitât, patronât, Caf e ancje il supuart logjistic dongje i nestris uficis”. (A.D.G.) – 20.03.2023
