Vue ai ai 12 di Novembar, 80 impresis a saran prontis a ufrî 890 puescj di vore dilunc dai colocuis al Teatro Nuovo Giovanni da Udine. Daspò lis 2.370 domandis di colocui in linie rivadis ae segretarie Alig pe prime zornade de Fiere dal Lavôr Fvj fate îr, la edizion numar 18 de Fiere dal Lavôr Fvj al jentre intal vîf segnant un gnûf record di aziendis presints, mai cussì tantis nancje prime de pandemie, e ancje la presince di aziendis forestis che a àn sielt l’avigniment di Udin par cirî i profîi professionâi che a àn bisugn.
Organizade di ALig (Associazione dei Laureati in Ingegneria Gestionale), la Fiere dal Lavôr si riconferme l’avigniment plui impuartant dal Nordest pal incuintri tra domande e ufierte ocupazionâl, buine di atirâ ancje i forescj. Ogni aziende partecipante e je clamade a declarâ cetantis posizions e met a disposizion dai candidâts e in cualis areis di interès: no dome inzegnarie o informatiche, ma ancje siencis umanistichis, agrariis e alimentârs, jurisprudence e economie.
Inte stesse zornade a son previodûts i talk show. A un incuintri cui students al je previodude la partecipazion dal famôs presentadôr televisîf Paulo Bonolis. “O sin pardabon braurôs dal numar di aziendis partecipantis, al è un segnâl impuartant intun moment storic segnât des consecuencis des vueris e dai auments di presit gjeneralizâts di energjie e materiis primis: al vûl dì che il tiessût economic e imprenditoriâl al è daûr a invistî pal futûr” al à dite Marco Sartor, president di Alig. (ADG) – 12.11.2022
