Altris 20 agns di lavôr pe centrâl nucleâr di Krsko

La centrâl nucleâr di Krsko in Slovenie e à otignût un permès ambientâl par continuâ a lavorâ par altris 20 agns, fin al 2043. Lu fâs savê vuê la agjenzie di stampe slovene  Sta.
A dâ il permès al è stât il ministeri sloven dal Ambient e de planificazion teritoriâl Uroš Brežan. la autorizazion – in conformitât cun dutis lis normativis, cemût che al à precisât il Ministeri – al ten cont de procedure di valutazion dal impat, dopo de manutenzion programade fate l’an passât, che dilunc di chê l’implant, operatîf dal 1983, al è stât modernizât. (A.D.G.) – 16.01.2023