I financîrs dal Comant di Pordenon a àn denunziât l’aministradôr di une societât che dopo no vê paiât al erari 3,7 milions di euros, al à ancje svuedât la casse de aziende, fasint paiaments par plui di 2,5 milions di euros a se stes, ai socis e a creditôrs che no jerin privilegjâts.
Lis investigazions de Vuardie di finance – sot de direzion de Procure de Republiche – a àn tornât a fâ su’ la storie di une societât di personis che, cundut che e jere za in crisi fuarte tal 2016, il so aministradôr al veve domandât la procedure concorsuâl dome tal 2023. Intant l’om nol paiave lis tassis e i contribûts ai ents previdenziâi, fasint passe 3,7 milions di debits. Tal stes timp l’aministradôr al gjavave vie i bêçs de casse de aziende par lui e altris socis, al prelevave 790 mil euros par altris motîfs e al paiave dome cualchi creditôr no privilegjât par plui o mancul 1,8 milions di euros. (a.d.g.) – 08.04.2025
