81
Al è rivât ancje a Davian dentri de base americane il messaç di pueste eletroniche mandât dal Segretari de Difese su la fonde des indicazions dal Doge (Dipartiment pe eficience dal Guvier american) vuidade di Elon Musk, dant no pôc pinsîr a ducj i dipendents.
Intal messaç rivât ae fin di Fevrâr si domande a ducj i dipendents federâi di spleâ dentri di 48 oris ce che a àn fat intai ultins cinc dîs di lavôr. Il messaç al conten par cualchidun un avertiment, ven a stâi che in mancjance di une rispueste e sarà valutade tant che dimissions.
Il dubi al è vignût ancje ai dipendents talians, passe 700, che no àn ancjemò capît se a àn di rispuindi o no a chel messaç, ma la preocupazion e je pardabon alte. (a.d.g.) – 05.03.2025
