Dulinvie dal prin semestri dal 2023 al è stât regjistrât in regjon un câl dal numar di assunzions intal setôr privât dal 2,3%, o sedi plui o mancul 2.000 unitâts in mancul rispiet al stes periodi dal 2022. A dîlu e je la ultime investigazion fate di Ires Fvj che e sotlinee, in particolâr, la colade dai gnûfs contrats di lavôr in soministrazion, lâts jù dal 16,2%, o sedi di 2.800 unitâts. La flession, al à sclarît il ricercjadôr di Ires Alessandro Russo, forsit e je leade al ralentament des ativitâts di manifaturis.
A segnâ il câl des assunzions plui consistentis e je stade la provincie di Pordenon cuntun ralentament dal 7,7%. Al va daûr Udin cun mancul 2,2% e Triest cuntune flession lizere dal mancul 0,3%. Dome la province di Gurizie e mostre une incressite cuntun salt positîf dal 3%. (a.d.g.) – 25.09.23
