Dome in doi mês, di Mai a vuê, la benzine e à regjistrât un aument di presit medi dal 4,9%, il gasoli dal 5,6%; la benzine in “fai da te” e coste 1,9 euros al litri, il gasoli 1,80 euros al litri. L’andament dai carburants ae pompe al è stât controlât dal Osservatorio del Movimento Difesa del Cittadino Fvg, che al riten ineficaç la esposizion dai presits medis par calamirâ l’aument inzirlôs.
“Pe benzine o sin ai massims di fin Lui 2022 – al sotlinee il Moviment -, pal gasoli, invezit, o sin ai massims di metât Avrîl”. “Cundut che chest, dal principi dal 2023 il presit industriâl di benzine e gasoli, al net duncje de tassazion, in Italie al reste in maniere stabile plui bas di chel in Spagne, Gjermanie e France”.
“Inte ultime setemane la medie dai presits praticâts dai gjestôrs in Friûl benzine self service a 1,941 euros al litri (+50 milesims), diesel self service a 1,820 euros al litri (+81) e je in cressite costante par vie dal aument des cuotazions sedi dal petroli sedi dai prodots rafinâts; un plen di benzine, al distributôr plui cjâr rilevât de nestre investigazion locâl, al rive a costâ 127 euros”. (a.d.g.) – 09.08.2023
