Caseris plui sostignibilis cul progjet european Dairy+

Inte nestre regjon, a pet di chês dal arc alpin, la pussibilitât pes vacjis di lat di mangjâ tal pasc al è ancjemò une vore limitât e chest fat al podarès penalizâ un setôr impuartant.

Par judâ lis caseris a deventâ plui sostignibilis dal pont di viste ambientâl e economic al è nassût il progjet Dairy+, finanziât cui fonts europeans Interreg Italia-Slovenia. In vore la Fondazione Agrifood Fvg (Fab Fvg) che e colabore cu la Agenzia di sviluppo della Valle dell’Isonzo che si cjate a Tulmin e che e coordene il progjet che di chest a fasin part ancje lis universitâts di Lubiane e dal Friûl, l’Istitût zooprofilatic sperimentâl des Vignesiis, la Regjon Friûl-Vignesie Julie e la Cjamare di Cumierç de Slovenie. (a.d.g.) – 30.08.2024