9
E tacarà di lunis ai 13 di Zenâr e par 13 setemanis la casse integrazion inte Savio Macchine Tessili di Pordenon, indulà che a lavorin passe 300 dipendents. I rapresentants dai sindicâts FIm, Fiom e Uilm si son cjatâts cu la aziende ancje par fevelâ dal salari dopo de decision cjapade de direzion de imprese di taiâ ancje sui anticipis dai premis di risultât.
La discussion no je finide e lis parts a tornaran a cjatâsi tra une desene di dîs. (a.d.g.) – 10.01.2025
