E reste critiche la situazion economiche de Cimolai di Pordenon, aziende protagniste intes grandis costruzions di açâl, cjapade, dal passât Setembar, di une crisi finanziarie pesante sclopade dopo de sotscrizion di contrats derivâts, che si son pandûts un boomerang, esponint il grup furlan par cualchi centenâr di milions di euros.
La ultime situazion patrimoniâl deponude ai 4 di Zenâr al Tribunâl di Triest, dulà che al è in cors il procediment di concuardât in continuitât, ai 30 di Novembar al segne un impat negatîf par 244 milions di euros. Dut in spiete dal gnûf plan industriâl che la Cimolai al varà di presentâ al Tribunâl dentri dai 20 di Fevrâr.
Il grup vuidât di Luigi Cimolai, che al à ordenazions intal mont par 800 milions di euros, al à sostignût simpri di volê ricapitalizzare, in plui che cu lis risorsis de famee, ancje cu la jentrade di gnûfs socis. (A.D.G.) – 11.01.2023
