I setôrs che a podaran vê beneficis dai finanziaments a font pierdût previodûts dal bant dedicât al ûs de energjie rinovabile, e destinât aes Pmi, a son stâts ampliâts. La Aministrazion regjonâl, in graciis dal confront cu lis realtâts dal teritori e lis rapresentancis di categorie, e à podût meti des integrazions puntuâls tant di fâ il bant ancjemò miôr par rispuindi aes esigjencis dal tiessût economic. La platee slargjade e cjaparà dentri, di fat, ancje il compart des costruzions, des impresis agriculis e des realtâts che a operin intal setôr de pescje e de agheculture che a esercitin ancje ativitât di ricezion e ospitalitât.
Al è un dai messaçs puartâts vuê a Pordenon, inte sede di Confindustria Alto Adriatico, dal assessôr regjonâl aes Ativitâts produtivis che, intune cui tecnics, al à sclarît intal detai fins, contignûts e modalitât di presentazion des istancis.
A vuê a son rivadis 326 domandis, par un valôr di 28,9 milions di euros. (A.D.G.) – 13.03.2023
