44
La Vuardie di finance di Triest, adun cul personâl de struture di prevenzion e sigurece ambients di lavôr de Asugi – sede di Triest, a àn discuviert siet lavoradôrs in neri intal setôr de ristorazion dilunc dai controi cuintri de evasion fiscâl e contributive. Sîs di lôr a son rider (fatorins) e un invezit al lavore in cusine.
Ae fin dai controi a son stadis fatis multis par 65 mil euros, che a podaran calâ tal câs che chei lavoradôrs a sedin regolarizâts. Simpri in chescj controi al è saltât fûr che i paiaments a jerin simpri fats in contants, ven a stâi in maniere di no podê jessi controlâts. (a.d.g.) -10.07.2024
