Concors musicâl di Palme: un bon invistiment

La decime prime edizion, tacade ai 26 di Avrîl, e conferme il concors musicâl internazionâl “Città di Palmanova-Premio Unesco” tant che un esempli virtuôs di promozion culturâl. No dome pe cualitât dai musiciscj iscrits – chest an passe 1.100 di une ventine di Paîs di dut il mont – ma ancje pe capacitât di tornâ al teritori une ricjadude positive in tiermins turistics, promozionâi e economics, premiant lis risorsis publichis o privadis dopradis pal event. Lis presincis contadis in citât intes dôs setemanis di davuelziment a son tor des 2.500 unitâts. Daûr dai calcui di PromoTurismoFVG, il concors al à gjenerât un impat economic sul teritori pâr cuasi 400 mil euros, cuntun moltiplicadôr di 6,10 euros. O sedi: ogni euro di bêçs publics invistîts al à prodot 6,10 euros. (A.I.) – 27.04.2023